漢堡B (已結業)

第二次去呢間舖頭食， 同第一次嘅感覺完全唔同。 第一次食嘅時候係中學， 嗰陣得寶商場人氣鼎沸， 呢間鋪頭嘅水準非常好。 冇乜零用錢嘅我都會去為咗食漢堡包而儲錢， 可想而知水準係有幾咁好。 第二次去食嘅係今日白色情人節， 食到一半已經唔想再食。 我叫嘅 經典牛肉漢堡， 入面嘅菜完全覆蓋咗牛肉嘅味道， 菜嘅生味濃郁， 而且個漢堡包皮完全唔得掂。 漢堡包係幾硬下， 個種硬係好似擺咗喺雪櫃好多日， 我諗除咗嚿肉之外其他係食唔到落肚。 如果你係追求飽嘅話完全推介， 但如果係追求味道嘅話， 我建議去觀塘廣場嘅某漢堡包店。