影片
更多
2014-01-30
1854 瀏覽
朋友訂了枱食私房菜，本著試新/好野既心態去一試，誰知期望越大，失望越大。當日訂了七位，屈在一間超細的房，這都不是問題。進房時路過房外的大枱(約十人)，聞到他們的湯，聞得出甚足料，很香，滿有期待。心想食私房菜都係食物為首，環境的就算吧。怎知到我們的湯奉上，一聞已覺得有明顯分別，再問外面大枱的是甚麼湯，得到的答案是同一款湯，但質素有如此大分別，真的不能接受。餸，基本上無一道菜是合格的。白飯，我知道現在的女士少食飯，但七位客人，你唔係畀一MUD半既米咁多既量畀我地呀？而且仲要唔夠水，飯粒幾硬下。如果七位都係男士，我諗起碼要預多DOUBLE有多既份量先夠。最後係私房菜落街去外賣一盒又係硬既飯返黎。本來作為跟隊的，都唔多好意思畀太多意見。席間有朋友終於忍不住，要向店家反映。朋友A：咕嚕肉好硬朋友B：咕嚕肉肥既好似拎舊肥膏去炸疑似負責人：之前我地用瘦既部份，依家轉用肥既。XXXXXX(下刪一大段)你一係聽清楚客人投訴甚麼，不是隨便東拉西扯些藉口就想蒙混過去。最看不過眼這種人，因此也忍不住出口了。本人：碟咕嚕肉，肥既有，瘦既都有。朋友A：仲有唔夠脆。本人：講清楚，唔係唔夠脆，係唔脆。朋友C：個豬手好
當日訂了七位，屈在一間超細的房，這都不是問題。進房時路過房外的大枱(約十人)，聞到他們的湯，聞得出甚足料，很香，滿有期待。心想食私房菜都係食物為首，環境的就算吧。
怎知到我們的湯奉上，一聞已覺得有明顯分別，再問外面大枱的是甚麼湯，得到的答案是同一款湯，但質素有如此大分別，真的不能接受。
餸，基本上無一道菜是合格的。
白飯，我知道現在的女士少食飯，但七位客人，你唔係畀一MUD半既米咁多既量畀我地呀？而且仲要唔夠水，飯粒幾硬下。如果七位都係男士，我諗起碼要預多DOUBLE有多既份量先夠。最後係私房菜落街去外賣一盒又係硬既飯返黎。
本來作為跟隊的，都唔多好意思畀太多意見。席間有朋友終於忍不住，要向店家反映。
朋友A：咕嚕肉好硬
朋友B：咕嚕肉肥既好似拎舊肥膏去炸
疑似負責人：之前我地用瘦既部份，依家轉用肥既。XXXXXX(下刪一大段)
你一係聽清楚客人投訴甚麼，不是隨便東拉西扯些藉口就想蒙混過去。最看不過眼這種人，因此也忍不住出口了。
本人：碟咕嚕肉，肥既有，瘦既都有。
朋友A：仲有唔夠脆。
本人：講清楚，唔係唔夠脆，係唔脆。
朋友C：個豬手好脆呀。
疑似負責人：多謝。
本人：係好脆，但太過火，外皮脆，但內裏的脂肪都迫唔到出黎，變成外脆內裏超肥。
疑似負責人：可能炸完豬手個爐未夠熱，所以個咕嚕肉唔夠脆。
從白飯、爐溫多方面，都感覺到食店無預算，或者有預算，但未有一晚應付40人的能力/工具。可能平日少人時段光顧，會有驚喜。但以HKD310這個價位，在尖沙咀私房菜中，有更好的選擇，大有人在，不用抱著求死的心態，去冒多一次險。
湯：
大白菜豬肺湯
沒甚材料味，只有蜜棗的甜味。
第一道菜：
花雕旦白蟹
太重酒味，沒甚蟹味。第二道菜
黄金蝦
上菜時，咸旦黃還是濕濕的，入口時只有很油的感覺。
第三道
蘋果咕嚕肉
肥的，像油炸肥膏；瘦的，似"趙"緊香口膠。另，十件得一件有極輕微既脆口感覺。
第四道
清蒸包魚仔
過火了，質地太硬。
第五道
蒸海斑
又是沒魚味，只有蒸魚豉油的甜味去補救，但也救不了多少。
第六道
鮮魚湯雜菌
魚湯？唔多覺。雜菌？似係街巿下欄貨，買完唔知雪左幾耐。
糖水
雪耳糖水
似係煲好一個冰糖水，再加雪耳求其煲兩煲就上。糖水同雪耳好似兩個互不相識既人，溝唔埋。
每位310免加一 奉送汽水
名人私房菜 翠兒上
☎51197430
🏠這是我們的地址：尖沙咀漢囗道宜昌街漢光大廈3樓C室（奇華餅家對面）
張貼
