影片
更多
2020-03-26
235 瀏覽
平時同男朋友喺葵芳主要都係去葵涌廣場，今日我哋就決定行遠少少睇吓附近有啲咩。點知俾我哋遇到呢一間好有心嘅平民西餐廳。一入到餐廳，最impress嘅係佢全本Menu竟然都係手寫嘅。比到一種舊式港式扒房嘅感覺我，之後同老細傾偈，佢都有介紹返原來全本Menu都係佢寫嘅。我哋叫咗兩個晚餐，所以沙律同埋餐湯都有兩份。沙律係胡麻醬雜菜沙律，醬汁夠多所以好好食。個餐湯就非常值得一讚！係牛肉清湯，放低喺枱面嘅時候完全唔會覺得佢係咁好飲，但係一飲落去就飲得出，佢係用好多牛肉煲左好耐先會有呢個味。估唔到呢類型小店都會咁有心機係餐湯方面着手，而唔係只係比紅湯或者白湯客人飲。之後就到主菜上枱啦！第一個主菜係牛柳，我哋要咗medium，但係上枱嘅時候略嫌太生，老闆即刻好好人咁樣幫我地重新再整一次。顯得出老闆真係好重視客人嘅諗法。個牛肉非常好味，火候亦控制得好好，明顯係有rest過先拎出黎，而且好大份，兩個人食都唔會嫌少。第二道主菜係法式燒鴨腿。我係出面其實冇食過呢一道主菜，今次係第一次試，發現鴨腿係冇我想像之中咁乾，而且嗰陣肉味同口感都幾特別，廚師亦都處理得好好，調味好完美。值得一讚嘅係呢度嘅伴碟同埋配菜，都做
一入到餐廳，最impress嘅係佢全本Menu竟然都係手寫嘅。比到一種舊式港式扒房嘅感覺我，之後同老細傾偈，佢都有介紹返原來全本Menu都係佢寫嘅。
我哋叫咗兩個晚餐，所以沙律同埋餐湯都有兩份。沙律係胡麻醬雜菜沙律，醬汁夠多所以好好食。個餐湯就非常值得一讚！係牛肉清湯，放低喺枱面嘅時候完全唔會覺得佢係咁好飲，但係一飲落去就飲得出，佢係用好多牛肉煲左好耐先會有呢個味。估唔到呢類型小店都會咁有心機係餐湯方面着手，而唔係只係比紅湯或者白湯客人飲。
之後就到主菜上枱啦！第一個主菜係牛柳，我哋要咗medium，但係上枱嘅時候略嫌太生，老闆即刻好好人咁樣幫我地重新再整一次。顯得出老闆真係好重視客人嘅諗法。個牛肉非常好味，火候亦控制得好好，明顯係有rest過先拎出黎，而且好大份，兩個人食都唔會嫌少。
第二道主菜係法式燒鴨腿。我係出面其實冇食過呢一道主菜，今次係第一次試，發現鴨腿係冇我想像之中咁乾，而且嗰陣肉味同口感都幾特別，廚師亦都處理得好好，調味好完美。值得一讚嘅係呢度嘅伴碟同埋配菜，都做得好好食。
餐飲我哋兩個都係叫咗凍檸茶，就冇乜特別野講。反而呢一度嘅甜品就令到我大開眼界。老闆放低兩款甜品嘅時候已經講明呢度嘅tiramisu係特製嘅，冇出面嘅咁多糖。呢一個甜品我真係好希望老闆有就咁散買，因為個tiramisu真係好好食，完全係出面高級蛋糕店嘅質素！
食完餐飯，老闆都仲好緊張咁樣問我地有咩意見可以俾佢。我覺得感覺好好，因為一間有心機嘅小店就係應該咁注重客人嘅感受。
張貼
