Mint Supper Club (已結業)

呢排發生太多野，好多心事，所以約左閨蜜同我飲返杯傾訴下。閨蜜提議去 Mint Supper Club 佢話之前去過唔錯，有舒服的靚沙化和泰國野食，我見咁得意就去食下。一去到感覺好舒服，我地選擇座係粉紅色沙化上，因為方便我地影相打卡 ， 之後我地就order 以下野食:白酒 ~ 不知不覺吹吹下水飲哂 😝大蝦柚子沙律~酸酸甜甜加上大大隻蝦配上好多沙律菜感覺好清新。香茅蝦棒 ~ 用新鮮蝦膠包住支香茅去炸，蝦棒味道出色。海南雞 ~ 夠滑溜的雞，配上海南雞飯醬，正呀， 特別提一提佢d 飯上有溫泉蛋， 拌飯一流。泰式炒椰菜 ~ 用蒜頭炒清甜。一邊食泰菜，一邊聽歌，一邊飲酒，一邊同閏蜜吹水真係好舒服的一晚。