影片
更多
2020-04-18
1050 瀏覽
好老實講，本人就真係好唔鍾意去旺角食飯嘅，我諗由中學之後開始，冇乜嘢我都唔會專登落去旺角食飯。因為係我印象裏面，真係冇乜嘢好食外。除非到大商場啦，否則餐廳內空間都好狹窄，我冇理由俾錢走去迫㗎！由於今日約咗行山友睇登山鞋，唯有就落去油尖旺區，好老實講我係睇到其他網友影嘅環境相，我先至選擇過嚟呢度嘅。不負所望，地方位置好易搵呀，其實就係油麻地A出口隔離，即使你係路癡你一定搵到。餐廳樓下就有個大門口，有個小小嘅警衛枱幫你量體溫。合格可以上樓嚕。唔知點解見到佢寫唔招待國內遊客，我個心好似特別舒服，心裡面即刻加分俾佢。門一開，對住就有個大嘅落地玻璃，可以望到彌敦道街景。由於全部都係落地玻璃嘅關係，餐廳力光猛舒服。下午茶都幾豐富，樣樣野都好吸引，除咗個T9心太軟。因為可能見到佢個價錢係$58，食飽啲又係咁多錢，所以好似就唔抵左😂怕唔飽嘅話，可以叫午餐，價錢又差唔多午餐附上嘅餐包，因為冇加熱，硬過石頭英式炸生蠔配黑松露意大利飯呢個好得，喜出望外，估唔到樓上鋪都可以掌握到咁好，可以將個意大利飯煮到啱啱好。唔會太淋太硬，米粒有口感。當然個汁都煮得好好，我食晒！炭燒安格斯配紅酒汁我有試食過，牛扒啱啱好，而
由於今日約咗行山友睇登山鞋，唯有就落去油尖旺區，好老實講我係睇到其他網友影嘅環境相，我先至選擇過嚟呢度嘅。不負所望，地方位置好易搵呀，其實就係油麻地A出口隔離，即使你係路癡你一定搵到。
餐廳樓下就有個大門口，有個小小嘅警衛枱幫你量體溫。合格可以上樓嚕。唔知點解見到佢寫唔招待國內遊客，我個心好似特別舒服，心裡面即刻加分俾佢。
門一開，對住就有個大嘅落地玻璃，可以望到彌敦道街景。由於全部都係落地玻璃嘅關係，餐廳力光猛舒服。
下午茶都幾豐富，樣樣野都好吸引，除咗個T9心太軟。因為可能見到佢個價錢係$58，食飽啲又係咁多錢，所以好似就唔抵左😂
怕唔飽嘅話，可以叫午餐，價錢又差唔多
午餐附上嘅餐包，因為冇加熱，硬過石頭
英式炸生蠔配黑松露意大利飯
呢個好得，喜出望外，估唔到樓上鋪都可以掌握到咁好，可以將個意大利飯煮到啱啱好。唔會太淋太硬，米粒有口感。當然個汁都煮得好好，我食晒！
炭燒安格斯配紅酒汁
我有試食過，牛扒啱啱好，而且食得出絕對唔係嗰啲雞嘢。厚度適中，而且口感絕對係好，一啲都唔似幾十蚊嘅餐。
跟住就係到下午茶喇，都大大地份㗎
芝士牛肉漢堡配薯條
芝士牛肉漢堡配薯條
芝士牛肉漢堡配薯條係下午茶，但午餐又有個牛肉芝士漢堡配薯條。到底有咩分別？
炸魚薯條
個粗薯條就唔得喇，唔夠脆。好彩個炸魚整得好，其實好多地方都有炸魚薯條㗎，不過相對呢到收嘅價錢，我覺得係水準之上
張貼
