壽司屋的Q仔 (已結業)

我第一次寫食評渣,希望可以俾到有用嘅資料大家拉~~.今日我早左放學打完波想食少少嘢先番屋企,我醒起春園街入面都有幾多好嘢食,所以出左地鐵就行左入去.走左八入街口,果陣大約係11:00左右拉,見到間壽司舖就行左去吸吸@@.驟眼睇都有十幾款壽司,仲有啲熟食例如鷄翼,湯同布丁甘~.我見到一個煲,原來係三文魚頭湯.店員向我介紹時打開個煲見到好足料.我就order左碗來再加多個飯團試下. 之後我見到一盒8件嘅三文魚壽司都係35蚊,除開都係4個幾一舊,跟住要多盒炸鷄就走人.令我最意外嘅係個湯D料真係好足,有紅,白蘿蔔外,D三文魚真係舊舊有肉,麵豉同三文魚味match得好好,唔太濃又唔太咸.盒飯團呢ok平,12蚊有兩舊,握得軟硬適中唔會散晒或者變左, 飯香中帶有淡淡嘅三文魚味,唔會只係食到飯味.炸鷄方面呢22蚊有5舊,入面唔會究爭爭拉.我一定會再去,因為有好多嘢未試.估唔到依間聽都未聽過嘅壽司舗都會俾到驚喜我唔會俾其他舗遜色.