德國餐廳 (已搬遷) 新店位置

不是難得的小店，而是難得去小店拖住麻煩豆丁，原本想在奧海城吃晚飯，但商場一期裡遊人如鯽，根本沒有位置，在行往二期時，太座說要到博文街吃。我是不太願意，要知道帶著bb車，上落滙豐大廈和在小店坐是多麼不方便，不過為免家變，唯命是從也。店子好小，不過客人更少。坐在近窗位置，沒有bb椅，抱著掙扎的豆丁，快速品嚐西班牙菜，無錯，係西班牙菜。呢間德國菜同對面西班牙餐廳應該是同一個老闆，所以可以照點對面餐牌。結果點左西班牙海鮮飯、炸魷魚、同埋一杯薄荷朱古力沙冰。炒飯係兩人份，海鮮料算充足，蝦、蜆、青口、魚，飯都幾乾身；炸魷魚都幾多件，不過唔算特別，始終炸嘢味道都差唔多；最正係沙冰，在炎夏，喝一口冰凍沙冰，朱古力味濃，薄荷味出，都係一種享受！地方甚細，一班人就難搵位。服務一般，人手相對客量算充足。最後食左350，就快快帶住豆丁回家。有機會再試德國菜！