阿茶茶。館 (已結業)

難得有個weekday 唔使返工，就出左去搵間cafe hea 下，睇下書，享受下唔使同人迫既時光！因為有d 野搞遲左，去左另一間cafe ，話下午茶4半last order 左，真係sosad!!結果就黎左呢間睇落都多好評既茶茶館！由於係weekday, 真係一d 都唔多人，都係得2，3枱客，非常好，可以靜靜地hea!揀左窗口位坐低，就開始叫野食！因為過多陣又晚餐，叫個crepe 頂住肚先！香蕉同朱古力既配搭本身都已經係冇輸，佢個crepe 唔知點烤，又薄又脆，用叉一吉就會分開兩截，配埋香蕉食，有口感得黎唔會成浸面粉味，唔錯！野飲方面，明知呢間野應該茶出名d，但唔知點解唔想飲茶，又見到個叫沖繩黑糖latte，配搭幾新奇，就嗌個latte na haha飲起上黎略甜，d 泡打得唔夠令同滑，睇到d 大氣泡，睇黎都係咖啡真係冇咁擅長，下次要試下佢d 茶先得！cafe 裝潢唔錯，有大塊玻璃窗，雖然附近係垃圾站，不過其實坐左入去就唔多見到，同埋餐廳都好乾淨，所以還是會推薦這家cafe 😊