影片
更多
2018-06-13
162 瀏覽
今日咁啱同老公都off，所以去荃灣Aeon買嘢，遇上天陰陰，下午仲落起大雨，有遮都無用，我哋由荃灣地鐵站行高架行人天橋過去，行到荃灣大會堂雨勢大到頂唔順，行左入大會堂避雨，見地下有間餐廳，好有書卷氣息，今日平日，下午茶時間人唔多，橫掂有D肚餓又要避雨，所以攞位去也，門口侍應有禮，提醒我哋可以叫午餐及下午茶餐，D餐可以包$40以下飲品一杯，選擇都好多，叫左餐等候時細味呢間餐廳，三邊都有書圍繞住我哋，相信好多書都係客人捐贈，因見poster「以書易啡」，即贈書換咖啡；牆壁上嘅手繪畫亦令餐廳添上不少藝術氣氛；午餐🍝羅勒青醬鮮蝦意大利粉，大蝦有四隻，羅勒青醬好香，加左足料松子及菇菇，同老公唔駛你推我讓之下五分鐘內洗碟式完成，呢個餐配上小沙律，青菜新鮮多汁，值得加分；下午茶🍢一口小食拼盤，有即炸脆卜卜薯條、芝士腸丸、八爪魚丸、春卷，我欣賞個春卷，無肉，見有椰菜甘筍，食落無咁滯；下午茶🍨英式窩夫配雪糕，窩夫等得比較耐，因為製作需時，亦值得等，因窩夫做得外脆內軟，配上雪糕及忌廉，過癮到暈；三個餐有三杯飲品，先嚟凍抹茶牛奶及凍摩卡，兩杯各有特色，我揀嘅摩卡好夠朱古力嘅香濃，非常喜歡，老公亦欣賞杯抹茶牛
叫左餐等候時細味呢間餐廳，三邊都有書圍繞住我哋，相信好多書都係客人捐贈，因見poster「以書易啡」，即贈書換咖啡；牆壁上嘅手繪畫亦令餐廳添上不少藝術氣氛；
午餐🍝羅勒青醬鮮蝦意大利粉，大蝦有四隻，羅勒青醬好香，加左足料松子及菇菇，同老公唔駛你推我讓之下五分鐘內洗碟式完成，呢個餐配上小沙律，青菜新鮮多汁，值得加分；
下午茶🍢一口小食拼盤，有即炸脆卜卜薯條、芝士腸丸、八爪魚丸、春卷，我欣賞個春卷，無肉，見有椰菜甘筍，食落無咁滯；
下午茶🍨英式窩夫配雪糕，窩夫等得比較耐，因為製作需時，亦值得等，因窩夫做得外脆內軟，配上雪糕及忌廉，過癮到暈；
三個餐有三杯飲品，先嚟凍抹茶牛奶及凍摩卡，兩杯各有特色，我揀嘅摩卡好夠朱古力嘅香濃，非常喜歡，老公亦欣賞杯抹茶牛奶夠抹茶味，佢走左甜，更加飲到真材實料；
最後要在一壺奶油焦糖茶，原來係奶油焦糖味茶包，有微微焦糖味，用嚟配甜品都唔錯。
全餐舒舒服服食左個半鐘，食物好、算清靜，就算見三五知己傾計都唔大聲、服務唔錯，可以推介俾我D荃灣友👍🏼
張貼
