Jacomax

營業中

休息中

周不時都心血來潮想食Pizza，但想食啲正宗啲西餐啲，而唔係港式Pizza呢間餐廳喺上環站隔離，地點方便。環境係西式casual設計，望到個酒吧同整pizza嘅地方，好有風味餐牌上都唔少Pizza嘅選擇，有咸有甜。睇OpenRice嘅食評，見到唔少人推介藍芝士蘋果Pizza，都幾特別，就一於試吓！Pizza一上枱嘅時候己有驚喜。首先佢份量都幾大，兩個人食晒成個Pizza都夠飽。第二，藍芝士聞落去味道好濃，唔鍾意芝士嘅人應該受唔到（甚至覺得好臭）😂Pizza同蘋果中間有薄薄嘅芝士做底，上面鋪滿薄切蘋果，再灑上藍芝士。藍芝士嘅賣相都唔係特別好。但味道冇想像中咁濃，有甜甜地嘅蘋果中和芝士嘅味道，係幾夾既！加上厚薄適中嘅餅批！係其他餐廳冇嘅風味，真係幾特別，值得一試另外再嗌左一盤烤雞翼。雞翼烤得啱啱好，外邊皮有咬口，肉質嫩滑又Juice。唯獨雞翼有啲鹹，扣咗少少分🥴店舖另一吸引之處，就係有好多外地入口嘅啤酒。離遠喺吧枱見到唔少比利時嘅啤酒，心郁郁呢鍾意飲啤酒嘅朋友就啱晒！