Classified (交易廣場) (已結業)

年30晚，公司放半日，就走左去中環行街。行下行下就3點幾，有啲肚餓要搵嘢食。本來想去IFC starbucks,但好多人，就轉場去交易廣場。本來都猶豫去starbucks定classified好，後來選左後者，因為starbucks周圍都有。下午茶時間餐廳無乜人，坐低左睇左陣餐牌就落order, 唔知食咩好所以叫左個classified all day breakfast同熱mocha.All day breakfast份all day breakfast份量好大，有2塊麵包，一大份炒蛋，茄汁豆，蕃茄，2塊煙肉，蘑菇，香腸。麵包好味，有烘過，脆脆地。炒蛋好大份，都幾滑，但真係會食唔哂！塊煙肉唔係炸嘅，無咁乾但有啲鹹！香腸有少少辣，無留意係咪黑椒腸。雖然勁肚餓，但個份量超大，所以最後都食唔哂。。熱mocha唔落糖都夠哂味👍呢度環境唔錯，無論係三五知己食飯傾計，定自己一個慢慢嘆，都係唔錯嘅選擇！下次會再幫襯！