星巴克咖啡 (已結業)

食完瘋薯之後，個口有D乾，行行下就上左來。睇下有咩飲啦，我就要左個雲呢拿碎冰樂。等左一陣就有得飲啦杯野有雲呢拿糖漿、鮮奶、同忌廉整既。杯野比我預期既無咁甜，好易入口。又有一點雲呢拿味，真係好正呀。但都成$33一杯，平時都唔會咁飲。但勝在呢度環境清靜，又有街景望下，$33就係有一個好正既環境。呢樣係快餐比唔到既，下次有時間試下其他既飲品啦。