Thirty First of May (已結業)

今晚同朋友嚟到荃灣西，試一間西餐廳。內裏裝修四四方方，但係都幾有情調。侍應哥哥介紹我地嗌幾樣野，包括青口，黑松露忌廉湯，西冷扒同埋卡邦尼意粉。呢到既氣氛唔錯，好適合情侶嚟撐枱腳。首先就上咗青口，都好足份量，有成十隻左右，而且隻隻都好有肉。加上好有鮮味，頭盤嚟講真係開個靚頭呀！然後就上餐湯，好creamy同有菇味，幾開胃。之後就係兩個主菜，西冷煎得幾好，幾juicy。意粉就好重味，好大份。最後兩個人都食唔哂啲意粉。餐飲就嗌咗杯奶茶，用Lipton tea-bag沖，幾有茶味。絕對推介比情侶嚟撐枱腳呀！