閑茶

營業中

休息中

行到勁攰又唔想飲Starbucks，難得搵到一間手搖店可以坐低慢慢飲，試咗一杯QQ芋圓抹茶鮮奶，係抹茶鮮奶加咗一款特別細粒好似珍珠咁嘅大小嘅芋圓，芋圓本身已經帶有一啲甜，所以我微甜已經夠甜，QQ芋圓都算幾有咬口，唔錯！另一杯就叫咗QQ芋泥麻糬鮮奶，佢除咗同樣有呢一種細細粒芋圓，仲有芋泥喺底，都幾飽肚，而最特別嘅就係佢有一啲白色煙煙韌韌嘅麻糬，同埋都幾好飲喎，而最聰明就係唔再喺飲品上加其他甜味，淨係加鮮奶，唔會搶咗芋泥同麻糬嘅重點♥️♥️Lovin it!!最後點左一個小食就係鹽酥雞，細細份，即叫即整，熱辣辣，好味😋最開心就係呢一度有得坐，有食少少餸手搖嘅小食，可以坐一陣，週末嘅時候行到攰可以搵一個咁樣嘅地方坐都幾好，其中一個重點就係個地方都幾大，唔似其他餐廳咁逼，都真係講句嘢俾隔籬枱聽到。喺YOHO MALL呢度搵到一間小天地😆😆