河內大娘越南餐廳 (已結業)

尖沙咀餐廳何其多，各式各樣應有盡有，諗食咩有時都幾頭痛出名既排隊排到嘔，唔等返一、兩個鐘唔駛指意食，所以有時行過啲餐廳啱心水就會入去食，咁啱經過間越南餐廳，朋友仔ok就入左去餐廳既裝潢都幾有越南風味我叫左杯菠蘿冰，睇餐牌果時張圖以為係菠蘿沙冰，圖片同現實有點偏差😅，同埋越南菠蘿冰同平時飲既係唔同，可以見到菠蘿肉好深色（似菠蘿乾味）仲有加左啲橙皮、梳打水，因梳打水本身無甜味，攪混後飲唔太甜叫左兩個小食，順化蔗蝦 $68 同軟殼蟹米紙卷 $78，蝦膠包住蔗來炸，上枱仲熱辣辣，嗅到微微竹蔗味，蝦膠軟熟彈牙，好好食，同食泰式蝦餅質感完全唔同，米紙卷都唔錯，軟殼蟹仲係微暖，有芒果、生菜、蘿白絲等等，師父包得好好實淨，咬落唔會散修修呢個香茅豬扒湯河都唔錯，豬扒鬆軟，香茅味十足，河粉幼滑，牛骨湯底味濃感覺到每道菜廚師都用心制作，係香港確實賣少見少，希望餐廳可以keep 住落去