影片
更多
2021-10-21
1714 瀏覽
以前，因工作關係，一年都有三幾次到大學出席啲活動，但疫情下，已兩年無到訪過。最近，就代公司去咗一轉浸大，原來變化都已經好大。由於早到咗好多，行吓行吓原來呢度有間Pacific Coffee，就晌度食個下午茶，打吓躉。由於喺連鎖店，所以，內裡嘅環境跟其他嘅Pacific Coffee都喺大同小異，都喺以小圓形咖啡枱為主，亦少量梳化椅，感覺輕輕悠閒。不過，呢度最較為特別嘅喺鋪外有個偌大嘅空間，感覺有少少半露天，非常開揚，尤其依家天氣又咁涼快，坐晌度嘆下午茶特別爽。出咗啲新品，當然又想試吓啦，呢期見佢喺加入薄荷元素嘅薄荷朱古力同薄荷朱古力咖啡，兩款我都啱，但後者就大興趣多少少。咁講明嚟下午茶，就梗喺要搭件甜點啦，尤其飲住咖啡，就更加要襯吓。結果，就揀咗一款法式甜撻。 薄荷朱古力咖啡 $43以濃縮咖啡作基底，加入薄荷糖漿同濃郁嘅朱古力調製，面頭仲唧咗啲忌廉扮得靚仔啲，更加咗少少朱古力脆珠添。小弟就一次過搖到勻晒先飲，感覺都幾特別，先喺一陣陣咖啡香，隨之而嚟就有朕濃郁朱古力味，後續就喺涼涼哋嘅薄荷味，有一種層層遞進嘅層次感。梨肉杏仁撻 $28有得你睇，大大件香梨肉晌中間，而梨肉非常之清甜，至於撻
由於喺連鎖店，所以，內裡嘅環境跟其他嘅Pacific Coffee都喺大同小異，都喺以小圓形咖啡枱為主，亦少量梳化椅，感覺輕輕悠閒。
不過，呢度最較為特別嘅喺鋪外有個偌大嘅空間，感覺有少少半露天，非常開揚，尤其依家天氣又咁涼快，坐晌度嘆下午茶特別爽。
出咗啲新品，當然又想試吓啦，呢期見佢喺加入薄荷元素嘅薄荷朱古力同薄荷朱古力咖啡，兩款我都啱，但後者就大興趣多少少。
咁講明嚟下午茶，就梗喺要搭件甜點啦，尤其飲住咖啡，就更加要襯吓。結果，就揀咗一款法式甜撻。
薄荷朱古力咖啡 $43以濃縮咖啡作基底，加入薄荷糖漿同濃郁嘅朱古力調製，面頭仲唧咗啲忌廉扮得靚仔啲，更加咗少少朱古力脆珠添。小弟就一次過搖到勻晒先飲，感覺都幾特別，先喺一陣陣咖啡香，隨之而嚟就有朕濃郁朱古力味，後續就喺涼涼哋嘅薄荷味，有一種層層遞進嘅層次感。
梨肉杏仁撻 $28有得你睇，大大件香梨肉晌中間，而梨肉非常之清甜，至於撻身嘅質感屬於挺身少少嗰種，帶點點濕潤，而撻身內的杏仁香氣就頗為突出，襯咖啡喺幾好嘅搭配。
因為唔喺學生，更唔喺校友，所以，呢次真喺一次好難得嘅「校園時光」，加上天氣涼快，環境舒服，讓人都倍感悠閒，差啲就坐過籠。
張貼
