影片
更多
2018-06-25
254 瀏覽
近日同友人迷上左食omakase，好享受唔洗用腦諗叫咩食嘅感覺，一坐低只係負責食最新鮮嘅野就可以了。今晚安排食物俾我哋嘅係謙師傅，佢唔係日本人，所以介紹食材嘅時候我哋可以聽得更清楚。首先有一杯熱茶，味道好香好特別。食omakase除左食野之外，我仲會留意下餐廳用嘅餐具，筷子質感唔錯，筷子托好可愛。呢盤係前菜，侍應介紹要由左至右咁樣食。無花果配上胡麻醬，有益健康。茄子就配上梅醬，酸酸地好開胃！最後食嘅係花生炸豆腐，好似炸玉子豆腐咁，超好味呀！廚師發辦刺身菜式由生蠔開始。1.北海道生蠔內含紫菜，非常鮮味！2.石鯛魚見到師傅好有心機擺碟，四片新鮮石鯛魚放在碟子嘅一旁，然後放上伴好酸汁魚皮絲，最後擺上幾滴花瓣，未食已覺得好有意境。3. 象拔蚌閃閃嘅金泊放上用白松露調味過嘅象拔蚌，頓時覺得非常名貴，入口香氣四溢。象拔蚌下面係爽脆嘅冰菜，葉上本身有鹽分，非常有營養。 4. 藍色渡蟹第一次是生蟹，原來都幾好味，蟹肉本身已經處理乾淨，而且已經調好味，可以放心食用，蟹肉上嘅係蟹膏，好新鮮！食完蟹肉再食旁邊灑上淡雪鹽嘅蕃茄，淡淡的鹹味同蕃茄嘅味道好匹配。5. 煙燻中拖羅打開蓋有一股煙冒出，中拖羅有好香嘅煙
今晚安排食物俾我哋嘅係謙師傅，佢唔係日本人，所以介紹食材嘅時候我哋可以聽得更清楚。
首先有一杯熱茶，味道好香好特別。
食omakase除左食野之外，我仲會留意下餐廳用嘅餐具，筷子質感唔錯，筷子托好可愛。
呢盤係前菜，侍應介紹要由左至右咁樣食。無花果配上胡麻醬，有益健康。
茄子就配上梅醬，酸酸地好開胃！
最後食嘅係花生炸豆腐，好似炸玉子豆腐咁，超好味呀！
廚師發辦刺身菜式由生蠔開始。
1.北海道生蠔
內含紫菜，非常鮮味！
2.石鯛魚
見到師傅好有心機擺碟，四片新鮮石鯛魚放在碟子嘅一旁，然後放上伴好酸汁魚皮絲，最後擺上幾滴花瓣，未食已覺得好有意境。
3. 象拔蚌
閃閃嘅金泊放上用白松露調味過嘅象拔蚌，頓時覺得非常名貴，入口香氣四溢。象拔蚌下面係爽脆嘅冰菜，葉上本身有鹽分，非常有營養。
4. 藍色渡蟹
第一次是生蟹，原來都幾好味，蟹肉本身已經處理乾淨，而且已經調好味，可以放心食用，蟹肉上嘅係蟹膏，好新鮮！
食完蟹肉再食旁邊灑上淡雪鹽嘅蕃茄，淡淡的鹹味同蕃茄嘅味道好匹配。
5. 煙燻中拖羅
打開蓋有一股煙冒出，中拖羅有好香嘅煙熏味，點上少少竹鹽，能帶出刺身嘅鮮味。
刺身部份已經完結，然後就到壽司嘅部份啦。
1. 鮑魚壽司
鮑魚煮得恰到好處，唔會太硬，配上綠色嘅肝醬，好惹味。至於個壽司飯加入咗紅醋，酸度剛剛好！
2. 深海池魚壽司
魚味相當濃！
3. 地甘木鯛壽司
呢個魚比較多油份，要熟成幾日先食得，入口香滑。
4. 瀨尿蝦壽司
賴尿蝦入面有好多蝦膏！
5. 赤鯥魚壽司
呢個魚又係高油份，配上香蔥一齊食好香口。
6. 竹簽魚壽司
呢隻魚要用火槍燒左先，燒完攤下再切，否則會攣哂切唔到，師傅放上柚子胡椒，魚味都濃，感覺清新又惹味。
7. 拖羅壽司
呢個部位呢系邊邊位，所以好多筋，要用火槍溶啲根後先食得，油分多所以好香口。
8. 白海膽壽司
呢個海膽相當名貴，要競投得返嚟嘅。我一直都覺得海膽有一種海水味係我唔能夠接受，但係呢一隻白海膽完全冇嗰種味道，佢食落口係好清甜，而非鮮甜，令我一改對海膽嘅印象，超級正！
食晒刺身同壽司之後，有鯛魚湯暖胃，比起面豉湯我更加鍾意飲魚湯，呢碗湯有非常香濃嘅魚味但係一啲都唔腥，好滿意！
最後嘅甜品係水信玄餅，侍應同事都換左杯綠茶。
個糕點晶瑩剔透，非常別緻，灑上旁邊嘅蕨粉，好味道！
張貼
