嚐 . 食

營業中

休息中

大概坐到16-18人嘅小店，其中有兩個座位係向街大玻璃（幾好坐）。店入邊有播一啲jazz嘅鋼琴曲，環境算係輕鬆舒適。 舖頭收銀同門面嘅可能係老闆娘，非常友善。本身張枱已經好乾淨，但係一坐低老闆娘都係重新消毒過一次張枱。因為我堂食另加外賣，佢仲好貼心話需要離開嘅時候提前少少通知佢，先再煮外賣餐。 可能主打區內嘅街坊同學生生意，先做到咁價廉物美。餐牌都比較多油炸類嘅小食，所以行入舖頭會有少少油味，如果呢點都改善埋嘅話，呢間絕對係區內數一數二嘅舒適小店之一。