影片
更多
2016-03-29
26349 瀏覽
環境「天空龍吟日本料理」乃日本「龍吟」首間海外分店，位於ICC 101樓，有騰雲駕霧嘅氣勢！因為地點獨特，所以叫做「天空龍吟」。將架車交俾代客泊車後轉電梯上101樓，話咁快就到。今晚安排咗窗口位，但可惜又落雨又大霧，望出去白濛濛乜野都睇唔到，真係唔荒唔騰雲駕霧... 總店嘅靈魂人物山本征治先生希望可以「從日本料理中不斷尋求可能性及潛在價值」，所以除咗保留懷石料理不時不食同埋精緻賣相嘅同時，亦都會用新奇嘅方法去烹調食材，將懷石料理再升呢。每日只會供應一款有十道菜嘅懷石套餐，雖然客人唔可以揀選食物，不過可以喺訂位嘅時候講低有邊啲食物唔食，職員亦都會好貼心咁記低晒，仲會專登print多一個menu出嚟酥炸香脆海苔裹北海道頂級海膽外層係晶瑩剔透嘅炸米紙，包住一層脆卜卜嘅紫菜，再包住一塊新鮮紫蘇葉，內層充滿北海道函館最頂級海膽，整個食物放喺熱辣辣嘅石碟上，有薯蓉墊底。平時唔鍾意食炸物因為覺得好熱氣，油味又重，但呢個食物炸得非常出色。首先炸米紙非常薄，薄到可以睇到下面嘅紫菜，而且炸得鬆脆唔油膩，一咬開會有 '索索聲'，海膽係多到會跌晒出嚟；下一層嘅紫菜香脆卜卜，味道香口；再下一層嘅新鮮紫蘇葉質細軟
「天空龍吟日本料理」乃日本「龍吟」首間海外分店，位於ICC 101樓，有騰雲駕霧嘅氣勢！因為地點獨特，所以叫做「天空龍吟」。將架車交俾代客泊車後轉電梯上101樓，話咁快就到。今晚安排咗窗口位，但可惜又落雨又大霧，望出去白濛濛乜野都睇唔到，真係唔荒唔騰雲駕霧...
總店嘅靈魂人物山本征治先生希望可以「從日本料理中不斷尋求可能性及潛在價值」，所以除咗保留懷石料理不時不食同埋精緻賣相嘅同時，亦都會用新奇嘅方法去烹調食材，將懷石料理再升呢。每日只會供應一款有十道菜嘅懷石套餐，雖然客人唔可以揀選食物，不過可以喺訂位嘅時候講低有邊啲食物唔食，職員亦都會好貼心咁記低晒，仲會專登print多一個menu出嚟
酥炸香脆海苔裹北海道頂級海膽外層係晶瑩剔透嘅炸米紙，包住一層脆卜卜嘅紫菜，再包住一塊新鮮紫蘇葉，內層充滿北海道函館最頂級海膽，整個食物放喺熱辣辣嘅石碟上，有薯蓉墊底。平時唔鍾意食炸物因為覺得好熱氣，油味又重，但呢個食物炸得非常出色。首先炸米紙非常薄，薄到可以睇到下面嘅紫菜，而且炸得鬆脆唔油膩，一咬開會有 '索索聲'，海膽係多到會跌晒出嚟；下一層嘅紫菜香脆卜卜，味道香口；再下一層嘅新鮮紫蘇葉質細軟，味道比較重，重到蓋過海膽鮮味，所以我冇放返跌咗嘅海膽入去，就咁齋食海膽會更加食到海膽鮮味。最後仲發現原來一齊食海膽及薯蓉係咁好味...
酥炸香脆海苔裹北海道頂級海膽
241 瀏覽
1 讚好
0 留言
日本總店每年都會做呢個食物一次，有幸喺香港分店試到！有日本蘿蔔、蔥、柚子皮，下面嘅「海底鵝肝」鮟鱇魚肝來自北海道余市。先用水低溫煮魚肝一個鐘，再用加咗酒嘅清湯去煮，咁就可以辟晒魚肝嘅腥味，之後用木魚豉油高湯煮完再浸返一晚，令魚肝盡吸鮮味，所以魚肝油香誘人，入口即溶，半點腥味都冇；橙紅色光澤亮麗嘅赤貝口感爽脆。第一口先食到柚子嘅酸酸甜甜，繼而有海鮮嘅鮮味，最底就係黃芥末及味噌醬嘅鹹鹹辣辣，整道菜都充滿層次
春季野菜配鮟鱇魚肝
188 瀏覽
1 讚好
0 留言
每年3月左右，日本富山灣都會被一片奇異嘅藍色螢光覆蓋，佢哋就係螢烏賊。比起平時食開嘅魷魚，螢烏賊就細好多，而茶碗蒸又係細細碟，用佢嚟入饌就最好不過啦。呢道菜用九州雞蛋做，每一口都充滿雞蛋香味，隨後螢烏賊嘅濃郁鮮味及經過烘烤後嘅美味會湧入喉嚨，真係好味到不得了。利用水蒸氣嘅熱力令食物變熟係最能保留食物鮮味，所以大廚用螢烏賊嚟做茶碗蒸真係諗得好啊！一來唔會破壞鮮味，二來喺蒸嘅期間螢烏賊汁會滲入蛋汁，真係好味到不得了... 螢烏賊仲要肉質鮮嫩，完全冇渣，仲夾雜少少膏... 食完之後整個口腔都仲係充滿住螢烏賊嘅味道，直到食下一道菜為止，不得了... 一路打食評諗返起都要吞口水，好想再食...
158 瀏覽
0 讚好
0 留言
螢烏賊佐墨魚汁熱茶碗蒸
396 瀏覽
0 讚好
0 留言
螢烏賊佐墨魚汁熱茶碗蒸
542 瀏覽
0 讚好
0 留言
松葉蟹被日本人稱為「蟹后」，長居於零污染嘅海底，捕蟹期短（每年只有11月至3月先可以捕捉有牌嘅松葉蟹），所以係非常珍貴㗎。一打開碗蓋已經聞到清新嘅柚子味，湯最頂係一堆蟹膏及蟹腳肉，下面係一堆鮮蟹肉，最底層係冬菇蟹肉茸。蟹肉綿密緊實，有濃厚嘅鮮甜芳香，蟹膏肥美豐腴。建議先飲一啖湯，夠晒清澈。之後將蟹肉撈勻清湯，再飲多一啖，有蟹肉嘅鮮味、清新嘅柚子味及冬菇撲鼻嘅香氣（但好得意，冬菇蟹肉茸竟然有燒賣味），口感非常豐富，飲到一滴不漏
Matsuba gani crab and shiitake mushroom dumpling in Ichibandashi soup
128 瀏覽
1 讚好
0 留言
Matsuba gani crab and shiitake mushroom dumpling in Ichibandashi soup
277 瀏覽
0 讚好
0 留言
Matsuba gani crab and shiitake mushroom dumpling in Ichibandashi soup
220 瀏覽
0 讚好
0 留言
三式刺身好新鮮，由淡至濃，每一片刺身都充滿海水味道。左口魚厚度十足，柔軟彈牙；北寄貝肉質鮮嫩肥美煙韌，輕輕用火燒過後香味層次更多，點少少海鹽食味道會更突出；鰤魚粉紅嫰滑，比左口魚嘅肉質更結實，仲夾雜一點甘甜，魚肉滲出淡淡嘅魚脂香，清雅低調得嚟又不失濃郁，非常特別；旁邊嘅紫菜堆香味濃郁；浸住豉油嘅腐皮豆味極度香濃，食完之後整個口腔都充滿豆香，好似一口氣倒咗好多豆入個口度咁樣
龍吟精選刺身
169 瀏覽
1 讚好
0 留言
龍吟精選刺身
170 瀏覽
1 讚好
0 留言
龍吟精選刺身
158 瀏覽
0 讚好
0 留言
龍吟精選刺身
204 瀏覽
1 讚好
0 留言
Charcoal grilled and simmered Alfonsino
用備長炭燒過嘅紅金木鯛魚皮脆脆，有濃郁嘅火炙味道，燒嘅過程中將魚油盡情釋放出嚟，每一啖都充滿油香。新鮮甜美嘅魚肉上有柚子皮、乾海帶及白菜茸。柚子皮及白菜茸將整個濃湯嘅鮮味大大提升，飲到咁上下除咗有魚香及柚子香外，仲有少少胡椒辣，層次分明。而白色嘅乾海帶同平時食開嘅有啲唔同，一浸湯口就會變軟，口感有趣好似食緊腐皮咁，不過冇海帶味道，但整體配合得天衣無縫
Charcoal grilled and simmered Alfonsino
139 瀏覽
2 讚好
0 留言
Charcoal grilled and simmered Alfonsino
126 瀏覽
0 讚好
0 留言
慢煮4小時嘅黑毛豬肉表面係啡色，中間呈粉紅色，豬肉味香濃，點少少菊花汁鮮甜可口；旁邊係被譽為「菇中之王」嘅舞茸，菇形完整而且炒過後充滿鮮味；普遍餐廳都會用菜莖，但呢度用菜花，菜花新鮮鮮甜細嫩
Charcoal grilled Pure breed Iberico pork ''Premium Pluma''
122 瀏覽
0 讚好
0 留言
Charcoal grilled Pure breed Iberico pork ''Premium Pluma''
127 瀏覽
0 讚好
0 留言
飯面有炸昆布、櫻花蝦天婦羅及櫻花瓣。櫻花蝦體形小巧，外層炸得金黃香酥；每一粒米由日本進口時都係未去殼嘅米糠，嚟到香港之後先會磨去啡色嘅米殼，所以每一粒米都會充滿稻香，之後用櫻花泡成嘅茶去煮飯，每粒飯都散發櫻花茶香；旁邊嘅漬物有蔥、蘿蔔等，仲有少少jelly，逐粒逐粒咬爆後啲酸甜味道會溶入口腔，非常突出；麵豉湯以一隻又高又瘦嘅杯盛載，未飲已經聞到濃郁香菇味，飲完之後香菇味久久不散
香炸櫻花蝦 佐 櫻花茶米飯
114 瀏覽
1 讚好
0 留言
點樣係-196度？就係利用分子料理嘅技術，以-196度嘅液態氮將蘋果急速冷凍，變成粉末，然後再將啲粉末放返入去蘋果形嘅外殼。一開蓋就係一個-196度嘅糖衣蘋果，先影相之後用匙羹敲碎，職員仲話我敲得唔夠狠，再敲！敲碎後加入99度嘅蜜柑果醬，糖衣蘋果即時溶化並發出紗紗聲，視覺效果十足非常吸引。通常蜜柑加熱後會變酸，但呢個果醬並冇因為加熱後而變酸，反而十分清甜仲充滿柑香，配合脆脆嘅糖衣及有爆炸糖口感嘅粉末一齊食，又甜又爆炸又熱又凍，真係充滿唔同口感，層次非常豐富，難怪係招牌甜品啦
-196度蜜柑糖果 配 99度的蜜柑果醬
89 瀏覽
0 讚好
0 留言
-196度蜜柑糖果 配 99度的蜜柑果醬
178 瀏覽
0 讚好
0 留言
-196度蜜柑糖果 配 99度的蜜柑果醬
108 瀏覽
1 讚好
0 留言
-196度蜜柑糖果 配 99度的蜜柑果醬
110 瀏覽
2 讚好
0 留言
第一層係法國黑松露醬，下面係椰子焦糖布甸。黑松露味道恰到好處唔會過濃，同甜甜嘅焦糖布甸造成強烈對比，完全刺激味蕾！食完之後整個口腔又係會充滿黑松露香味，每味菜都咁餘震...真係不得了
RyuGin Truffled Roppongi pudding
89 瀏覽
0 讚好
0 留言
RyuGin Truffled Roppongi pudding
82 瀏覽
0 讚好
0 留言
食完晒所有菜式仲有一杯超濃抹茶，濃到入心入肺，既腥又苦，鍾意濃抹茶嘅朋友一定會鍾意！
Matcha
87 瀏覽
1 讚好
0 留言
張貼
