影片
更多
2019-12-18
187 瀏覽
今年生日，比個fd帶咗嚟銅鑼灣食生日飯，上網查過原來係食西班牙菜既La Postre ，佢話之前喺尖沙咀食過覺得好好食喎，而我一向都係西班牙菜既擁躉，一於就試吓究竟係咪真係有咁好食先！我哋除咗要一份4 Course Dinner Set之外，亦都加$159試咗佢嘅香蒜炙燒海膽盒配蒜蓉包。先講海膽盒，齋睇賣相已經好吸引，外層燒得恰到好處，仲有幾粒紅椒作點綴添，而味道亦都好甘甜，再配埋個焗到金黃色、充滿香蒜味既多士一齊食更加係perfect match! 另外要講嘅係嗰杯跟餐加$35既Sangria，用紅酒配上新鮮生果，入面有橙、士多啤梨同青蘋果，飲落口充滿果香，入口容易又好飲。講返個Dinner Set，頭盤我要咗風乾黑毛豬牛油果沙律塔配黑醋汁，黑毛豬好大塊，帶有咸香，入面用上熟透嘅牛油果，質地細膩，同清爽啲沙律菜相映成趣，再配上酸酸地嘅黑醋汁,，中和咗parma ham嘅咸味，整體嚟講係道非常夾同開胃嘅頭盤。之後就係海鮮濃湯，一嚟就見到有粒大蜆肉，證明用料十分豐富，除咗蜆肉之外，仲有蝦同魷魚。濃湯好creamy，口感同鮮味十足，正！跟着出場嘅就係我最期待嘅主菜 - 威靈頓式帝王蟹腳（$
今年生日，比個fd帶咗嚟銅鑼灣食生日飯，上網查過原來係食西班牙菜既La Postre ，佢話之前喺尖沙咀食過覺得好好食喎，而我一向都係西班牙菜既擁躉，一於就試吓究竟係咪真係有咁好食先！
香蒜炙燒海膽盒配蒜蓉包
16 瀏覽
0 讚好
0 留言
我哋除咗要一份4 Course Dinner Set之外，亦都加$159試咗佢嘅香蒜炙燒海膽盒配蒜蓉包。先講海膽盒，齋睇賣相已經好吸引，外層燒得恰到好處，仲有幾粒紅椒作點綴添，而味道亦都好甘甜，再配埋個焗到金黃色、充滿香蒜味既多士一齊食更加係perfect match! 另外要講嘅係嗰杯跟餐加$35既Sangria，用紅酒配上新鮮生果，入面有橙、士多啤梨同青蘋果，飲落口充滿果香，入口容易又好飲。
風乾黑毛豬牛油果沙律塔配黑醋汁
7 瀏覽
0 讚好
0 留言
講返個Dinner Set，頭盤我要咗風乾黑毛豬牛油果沙律塔配黑醋汁，黑毛豬好大塊，帶有咸香，入面用上熟透嘅牛油果，質地細膩，同清爽啲沙律菜相映成趣，再配上酸酸地嘅黑醋汁,，中和咗parma ham嘅咸味，整體嚟講係道非常夾同開胃嘅頭盤。
海鮮濃湯
8 瀏覽
0 讚好
0 留言
之後就係海鮮濃湯，一嚟就見到有粒大蜆肉，證明用料十分豐富，除咗蜆肉之外，仲有蝦同魷魚。濃湯好creamy，口感同鮮味十足，正！
威靈頓式帝王蟹腳
$690
10 瀏覽
0 讚好
0 留言
跟着出場嘅就係我最期待嘅主菜 - 威靈頓式帝王蟹腳（$690），威靈頓牛柳就成日聽，咁究竟威靈頓蟹腳會係點嘅呢？外層既酥皮好香脆，一切開就見到包住一塊豚肉同濃濃既蘑菇蓉，而主角帝王蟹腳一啲都唔輸蝕，蟹肉非常鮮甜又彈牙，而個醬雖然有少少酸，不過點少少連埋個蟹腳一齊食又夾，反而冇咁膩。
無花果脆批配雪糕
11 瀏覽
0 讚好
0 留言
嚟到最尾既甜品，無花果脆批配雪糕，第一次用無花果嚟整既甜品，估唔到都幾好食，佢嘅甜度啱啱好，同埋脆批都幾鬆脆，連埋個雪糕一齊食都好襯。
張貼
