陳根記 (已搬遷) 新店位置

從馬來西亞嚟香港的表妹想一嚐香港風味，我當然要帶她到香港特色的大排檔。要把握機會一嚐風味的當然是陳根記。我係呢個星期五晚6點鐘嚟到先可以有位，大家就明白而家品嚐風味有幾爆。餐牌仍然無變，都係一貫大排檔式的款式。而且價錢真的很合理，唔知道第二時搬咗去石門入舖，仲有冇咁嘅價錢。嚟到已經有好多野要留定，基本上唔留都可以講係無~ 特別以下呢隻燒鵝~ 雖然我影得幾有光澤，但係都真係唔夠熱，皮不算太脆，但真的很嫩。令我寫呢篇食評嘅原因，梗係因為呢碟令我難以忘懷的WASABI蟹籽手撕雞啦~  賣相已經好搶眼，入口嘅WASABI味少少攻鼻，但又唔會辣到流眼水，滑嫩的雞絲加上蟹籽增加口感，唔係十幾個人嘅話，我食哂一碟都得。不過環境太嘈令我表妹唔係好慣，但我地呢啲香港人就好慣，因為咁樣熱熱鬧鬧先有風味嘛~ 而且佢地係唔會有限時叫你交枱，反而..... 係其他啲未有位嘅客，會企係度不停俾壓力你交枱。