麻神麻辣火鍋 (已結業)

最鐘意幾個人齊齊打邊爐，一來唔使就黎就去揀食咩，二來可以坐得耐，傾計聚會最方便。今次幾個一黎左呢間麻神，之前見話係台灣開到黎香港，唔知係咪真係好食呢~入到黎，店舖環境唔錯，地方好大，座位寬敞，坐得都舒服。至於食物方面，選擇有好多，仲有套餐可以揀，唔錯!叫左都幾多款食物，不過總括黎講，食物新鮮，味道都唔錯，火鍋黎講呢度真係唔錯!值得一讚~黎食晚市仲係有7折，真係都抵!麻辣鍋拼花膠雞 招牌麻辣鍋，超濃郁麻辣味，食落還可以不太辣，麻味重!而拼的就有雞、花膠同桂圓，個湯絕對要飲，超濃郁雞味，真係精華全部都係度。果凍鴨血呢度的招牌菜，個麻辣味同火鍋一樣，至於鴨血質真係好滑又Q，超入味，食落彈又爽。牛頸脊食落啖啖肉，牛味濃，口感嫩，肉質爽滑好有口感!丸子拼盤呢個拼盤有齊豬、魚、墨魚、蝦各兩粒，入口彈牙爽口，無論同邊個湯底食都咁正。