志魂 (已搬遷) 新店位置

呢個係我第一次係Openrice寫嘅食評。因為之前都試過唔少好嘅餐廳，但一直未有機會分享，被某人催促之下就的起心肝寫呢篇野。第一篇我想寫我上年12月生日嘅晚餐，地點就係志魂，一間唔起眼嘅日本廚師發板餐廳，簡約嘅鋪頭只有幾個座位，感覺都有日本風味。生日當然唔少得開支靚酒啦，雖然我唔飲得但係都飲多幾杯。好開心個餐牌係印咗我的生日日期接落嚟就欣賞下呢餐飯嘅食物相啦，總共有6款刺身10件壽司👍🏻不過我發現原來只可以常在12張相，咁唯有上載我比較喜歡的食物啦。一睇就知呢個係八爪魚，平時食嗰啲好銀好似擦子膠，但呢個好軟林林，配合柚子，簡直係完美配搭，好多其他嘅Omakase 餐廳都有呢款菜式，但最好味始終係原創者。另外呢度最正嘅就係鮑魚，同埋啲鮑魚肝醬撈飯，本身望落去嗰啲鴨屎綠色既物體以為好腥，但食落係好鮮味。壽司都唔使多講，好鮮味。今次嘅生日飯都幾難忘，多謝某人好有心book呢一間餐廳同我慶祝。