棋哥燒鵝 (已結業)

已經好耐無出街食飯，好想食燒味，所以去左尖沙咀食，因為好多朋友食過都話好食wor! 門口掛住既燒鵝都真係幾靚仔，我地一行4人，叫左1個2人餐，再加左一款例牌。點知，原來個2人餐既份量其實已經夠4個人食，超多肉超大份！仲有碟油菜，2個湯又係好大碗！燒鵝皮脆肉滑，超juicy，好多肉汁，仲有好香荔枝柴味，好少可有荔枝柴味燒鵝，非常用心之作！！另外燒腩仔都好脆皮，一層層，唔會太肥，好正呀！！！叉燒都好味，因為夠甜，少少燶邊就最好食！