Green Waffle Diner (形點) (已結業)

黎到呢度，我地叫咗一個意大利飯同埋意大利粉，意大利粉叫咗香草欖油野菌扁意粉，份量夠兩個人食，欖油香草清淡，野菌加扁意粉味道又幾夾，意大利粉軟硬適中。南瓜蘆筍意大利飯，意大利飯軟硬適中，南瓜蓉配合意大利飯好濃郁，上面仲有粒蕃茄仔，蘆筍又夠爽脆，頓時幫我果腹飽肚。終於到重點，藍莓香蕉士多啤梨窩夫，我揀咗原味窩夫雪糕方面揀咗綠茶，窩夫係獨立喺另一個廚房整，見到師傅好用心炮製窩夫，軟綿綿唔會太硬太實心，有空氣感亦有口感。連埋豐富嘅水果，同綠茶雪糕。啲飲品都好出色，飲咗杯意式黑牛，有朱古力MOVENPICK雪糕，咖啡味濃厚，細細杯幾的骰。