喜客比薩 (已結業)

我地叫左個 pizza , 海鮮意粉, 雜錦拼盆, waitress 覆左我地一次單後,竟然話今晚每人最低消費係一百蚊,點解 book 位個陣無講, 頭先入黎個陣又無講 !! 算 !! 於是我地叫多個墨西哥雞卷出奇地 d 野食好快就到,意粉最先黎到,跟住個 waitress 望住一邊無人坐講左一聲就放低左個凱撒沙律 (但係我地無叫過架喎) .....pizza ok 既 唔太差, 雞卷有 d 辣,拼盆有三樣野, 蝦餅好厚粉隻蝦細左 d , 炸薯仔片既味同平時食緊薯片既味係一樣,黑椒雞翼無咩特別意粉都 ok ,放低左好耐都仲有煙出,但係食食吓我地發現左一樣好唔尋常既野 ......係隻蜆度發現左個萬字夾 !! 叫個經理過黎淨係識講句唔好意思即刻同你跟進, 轉個頭又問我地想食番呢個定係轉過食第二樣, 我梗係唔要啦, 我心諗點知你會唔會加料架 !! 講完唔要個經理就咁就走左, 完全無同我地講點 follow到埋單個陣, 又唔知等左幾耐, 睇吓張單先知無計到我地個意粉咋 !!