秘 (享成街)

營業中

休息中

秘一直都想試下石板燒牛肉，咁就同男朋友2個人去咗荃灣風評唔錯既秘試下，獻出我地既第一次石板燒牛肉。餐廳既燈光好暗下，比人一種神秘感，但坐低既時候，睇餐牌都有少少困難。我地午市時間去，叫咗以下2樣野，試下佢先。板燒吉列牛等咗無耐就到，吉列牛既份量比我想像既多，大概有15塊到。牛肉係美國安格斯，油脂分布不錯，睇落十分唔錯 雖然牛肉比較細片，但我地2個人分就啱啱好。除咗牛肉，隨餐亦附送一隻溏心蛋，煮得啱啱好，雞蛋都好有蛋香。由於每個餐都附我上一個石板，因此大家可按自己喜好，燒出自己喜歡既生熟度。燒牛肉配上有飯素既白飯，好唔錯。蒲燒原條鰻魚飯蒲燒鰻魚飯整個擺盤幾靚仔，鰻魚都好大條好肥美下，上面有少少木魚碎同紫菜做點綴。整體鰻魚好肥美，但由於汁醬味道太重，味道過甜，亦食唔出鰻魚有烤過既味道。令成個飯打咗個折扣。