影片
更多
2009-09-09
29 瀏覽
SEP 6,2009 (SUN) DINNER $241今晚有好多電視節目想睇，個個都唔願去街食，於是叫PIZZA HUT醫肚算吧！最近新推出有個FUN茄狂熱套餐，有信用咭優惠，又無咩特別想食，於是乎就試試看吧！落咗單先發覺原來而家改咗由置樂花園送出！本想自取9折慳返 $24，好彩佢地叫住我，唔係原來咁遠路真係搭車都要錢啦！HSBC信用卡外送速遞2人套餐 $213寬麵點點批(大批)配秘製蕃茄Salsa醬 ~ 配佢個頭咩都唔記得送啲醬嚟！PIZZA上面只係舖咗幾粒仔半顆嘅車厘茄、幾片焗成極迷你嘅青瓜仔乾【差D發覺唔到】、仲有好丁點真係好丁點嘅好似係雞肉粒嘅肉粒&幾條寬條麵，可能俾D人可以頂肚餓呱！不過真係送到嚟已經又腍又微凍，個樣又唔討好，大家都非常咁 … … 咁唔欣賞la！蕃茄醬肉丸寬條麵 ~ 呢樣係全個餐最好食呢！係仲熱嘅！肉丸又好味仲有4粒添剛好夠分，唔駛爭食！寬條麵裡好多蕃茄汁，撈勻後好正！一陣就食哂lu！小食滋味盒配雞軟骨 ~ 包括：2件香草包條 + 6件笑笑薯餅 + 6件魚手指 + 2串雞軟骨配茄汁，亦都係全是凍的！香草包味道幾好，如果熱應該會仲好味！笑笑薯餅個樣就幾得人歡心
今晚有好多電視節目想睇，個個都唔願去街食，於是叫PIZZA HUT醫肚算吧！
最近新推出有個FUN茄狂熱套餐，有信用咭優惠，又無咩特別想食，於是乎就試試看吧！落咗單先發覺原來而家改咗由置樂花園送出！
本想自取9折慳返 $24，好彩佢地叫住我，唔係原來咁遠路真係搭車都要錢啦！
HSBC信用卡外送速遞2人套餐 $213
寬麵點點批(大批)配秘製蕃茄Salsa醬 ~ 配佢個頭咩都唔記得送啲醬嚟！PIZZA上面只係舖咗幾粒仔半顆嘅車厘茄、幾片焗成極迷你嘅青瓜仔乾【差D發覺唔到】、仲有好丁點真係好丁點嘅好似係雞肉粒嘅肉粒&幾條寬條麵，可能俾D人可以頂肚餓呱！不過真係送到嚟已經又腍又微凍，個樣又唔討好，大家都非常咁 … … 咁唔欣賞la！
蕃茄醬肉丸寬條麵 ~ 呢樣係全個餐最好食呢！係仲熱嘅！肉丸又好味仲有4粒添剛好夠分，唔駛爭食！寬條麵裡好多蕃茄汁，撈勻後好正！一陣就食哂lu！
小食滋味盒配雞軟骨 ~ 包括：2件香草包條 + 6件笑笑薯餅 + 6件魚手指 + 2串雞軟骨配茄汁，亦都係全是凍的！
香草包味道幾好，如果熱應該會仲好味！
笑笑薯餅個樣就幾得人歡心，但個心咬落唔係幾好食感覺好粉，由於太凍嘅關係，係極難食嘅！
魚手指外表唔吸引，不過凍得嚟都還可以，但當然唔可以話好食喇！
串雞軟骨唔知點解係微暖喎！不過最攪鬼係雞肉串，唔係雞軟骨嚟！
蕃茄湯兩客 ~ 好濃好熱仲好多材料，蠻不錯！
木糠布甸兩客 ~ 味道濃郁，布甸都幾滑，yummy！
網上惠顧外送速遞滿$180嘅免費優惠：
焗粟米肉醬薯蓉 ~ 熱烘烘的！但薯蓉唔夠滑！
威尼斯甜奶油迷你批 ~ 好味過個把鬼嘅新產品pizza多多聲，起碼係熱嘅，仲好香添！跟咗一小盒煉奶點嚟食，正喎！
升級優惠：
秘製雞槌 $28 ~ 呢個雞槌好入味，好多黑椒喺上面，我最鍾意食黑椒好啱我！
其實個2人餐兩個人都要食量驚人先可以食得哂！我哋4個人食份量都太多！
不過遲咗成半個鐘頭先嚟到，總共等咗1個半鐘冇多冇少，真係餓死人！打電話去問，佢地嘅解釋係無車送嚟喎！！！一早整好哂！怪唔得有啲嘢嚟到凍哂啦！真係好意思話俾人知！唉！！嚟到D嘢全部腍哂！！個PIZZA就最難食，係好微好微暖又腍又濕，好似食緊隔夜麵包咁！又唔記得拎佢個餐嘅賣點Salsa 醬嚟！外賣速遞話又無車又遠路，真係要啲時間架！咁你公司自己諗啦！仲咩餐具都無添，唔知以為好環保，其實係唔記得俾我呀！
好似話新屯門中心即將會開返一間，未開之前都唔會再幫襯！因為佢地又唔夠車，又嫌遠，咁點做外送速遞呀！真係辛苦哂打工嗰班車手呀！！真係好好反映出搵食艱難呀！成件事都唔係佢地錯！但我相信佢地送到D嘢食俾人，一定好受氣！仲要笑住口SAY SORRY！幫公司解釋！所以我係有俾貼士嘅！因為係對事唔係對人嘛！佢真係好好禮貌架！值得一讚！
張貼