更多
2008-01-19
4 瀏覽
與同事食飯,諗住食韓燒,本來首選係東大門,不過因為果邊價錢較貴兼女同學要求多甜品,於是計過都係漢和較穩陣,雖然早已在網上睇到咁多網友都話呢間野好唔掂,不過我諗點都唔會衰得過梨x園o既自由行食客同埋漢陽x o既refill事件。加上之前o係銅鑼灣漢和都食過好多次,諗住應該唔會太差吧!結果...首先我地有8個人,在訂方面都唔算大問題,繁忙時間冇獨立房都預,不過個位真係好細好細,尤其是呢排天氣凍,個個都著住件大褸加埋一袋二袋私人野,坐得勁逼。而且走廊通道勁窄...真係轉個身都會撞到人,加上抽風麻麻,感覺周圍都係油煙,所以由入座到走都係勁唔舒服。食物方面,其實食過咁多次都知係乜野貨色,所以絕對唔會有乜野期望,不過同事好狼,幾乎將所有生熟食物拎齊。當中極不推薦三文魚,雖然好多人(包括我在內)都諗住呢樣係必食之選,店員亦refill得好快,但問題係一食落口就知乜事,我只可以話咬落口果舊係一舊貌似三文魚o既粉紅色物體,其垃圾情度有如o係明x食壽司一樣,我已以試過將佢香煎、煙燻...結局都係一樣,我寧可燒番普通魚柳都好過佢。此外除三文魚,另一樣極力反對試的就係酸梅湯,其難飲程度係非筆墨所能形容,總之又
首先我地有8個人,在訂方面都唔算大問題,繁忙時間冇獨立房都預,不過個位真係好細好細,尤其是呢排天氣凍,個個都著住件大褸加埋一袋二袋私人野,坐得勁逼。而且走廊通道勁窄...真係轉個身都會撞到人,加上抽風麻麻,感覺周圍都係油煙,所以由入座到走都係勁唔舒服。
食物方面,其實食過咁多次都知係乜野貨色,所以絕對唔會有乜野期望,不過同事好狼,幾乎將所有生熟食物拎齊。當中極不推薦三文魚,雖然好多人(包括我在內)都諗住呢樣係必食之選,店員亦refill得好快,但問題係一食落口就知乜事,我只可以話咬落口果舊係一舊貌似三文魚o既粉紅色物體,其垃圾情度有如o係明x食壽司一樣,我已以試過將佢香煎、煙燻...結局都係一樣,我寧可燒番普通魚柳都好過佢。此外除三文魚,另一樣極力反對試的就係酸梅湯,其難飲程度係非筆墨所能形容,總之又係果種你會覺得佢係溝唔知乜野而成的一杯味似酸梅湯o既化學飲品。同事經試過豆漿,話好淡,但我因怕肚痛,所以冇試,不過我諗唔方好得去邊。
不過,話衰如此,有部分食物都算係喜出望外o既!例如咖喱炒蟹同炸饅頭,剛出爐時真係好掂好香,仲有牛,賣相都唔錯,可以一試。至於甜品方面,女同事讚好,不過我就覺得普通,尤其是西瓜,打糖水的,食完都驚肚痛。只不過人一世物一世,算...
唔知係咪因為出面唔係太多人,食兩個半鐘兼浪費了大量食物,都冇人趕你走,而換爐都冇乜托手。不過埋單時就發生一段小插曲,事緣我地有同事有88折咭,諗住平o的,點之俾張咭個侍應之後,個侍應就換番將新o既9折咭俾我地,理由係張舊咭己經到期,咁都算啦!當你公司個promote完,不過都埋單時,理應俾番我地88折,但點之計來計去都係唔數,問番個侍應係咪計錯,佢就話係打折,咁我地話我地俾你果張係88折咭喎!佢就老實不客氣話係得9折,仲要加多句話「有折已經好好」....即時全人啞唒。
埋單計埋每人都要百二蚊,如果唔係有張「88折」咭當俾加一,其實埋數同去東大門差不多。所以我諗下次聚會都應該唔會再幫襯呢間野....
後話:食得韓燒都知道要落多油,不過呢間野o的油勁多雜質,就算係cwb果間/漢陽都冇咁多,所以各位落油時請顧住自己個腸胃,同埋唔知係咪唔夠人洗碗,碗碟真係幾污糟...
張貼