煌宴酒家

營業中

休息中

記得有一期超鍾意食乳豬，當時一癮起就去太興整返個乳豬飯，超級好味，實有保證。近期再去太興已經唔再做乳豬飯/例牌，要食就要早幾日訂，要訂仲要係訂一隻。唯有附近巡吓睇下邊度仲有得買喇。行過呢間煌宴，睇到外賣燒味有乳豬😍😍😍乳豬有得揀一隻/半隻/四份一隻咁買，人少少買住四份一隻試試味先。買之前都係窗口問定師傅先，係咪有得買四份一隻，同埋最重要嘅係啲乳豬夠唔夠脆🤣🤣師傅話：梗係脆～好，有呢句我就放心。呢度就係四份一隻嘅份量，承惠$188啲脆豬都算長同大件，個皮敲落都卜卜聲，係脆嘅。啲乳豬肥瘦都均勻，啲肥係爽口嘅。原本望落覺得唔係好多，但用黎加餸呢個份量夠晒皮。食幾件都已經好飽肚。一望個外賣袋底下啲乳豬醬多到浸C你。😝😝😝其實兩至三包都已經夠晒數。仲有啲燒味外賣雙拼都幾抵食。下次癮起可以試下呢間乳豬飯先，$58好似好抵食。以今日呢個水準都可以再回頭。