王牌冰室 (友邦香港大樓) (已結業)

今日放假，帶完阿仔返學校，見到鰂魚涌有間新開茶記，就走入去試下啦。間茶記都幾大間，目測都有10個人坐喺度，於是就坐低食早餐。 叫個簡簡單單一定唔會衰的沙嗲牛肉麵，但今次中哂伏。我食親茶記都係叫沙爹牛肉麵，但呢世人都從未試過食個咁難食的沙爹牛肉麵， 牛肉切到好大塊，以為執到，點知唔食由自可，一食把鬼火，d牛肉硬到一個點，d麵好似未熟咁，個沙爹湯落d花生醬好似唔洗錢咁，成碗花生味，重要好甜。 一個字- 差。 唔會有下次。