The Big Things Party

營業中

休息中

嘗試過放入口，但真係食唔落。拎咗去refund。店員好順攤即刻refund，大家都知咩事啦。話說我特登請假，同埋屋企人去捧場，叫咗3個餐同2個小食，所有嘢食嚟到都係凍冰冰嘅。炸豬扒黑咖哩飯，塊豬扒就係日式急凍嗰啲，佢只係焗番熱，但又焗唔熱。無激素雞扒蔥油伴麵，塊雞扒緊急解凍不成，仲成滲雪味，切又切唔開，又係凍冰冰，個麵就乾爭爭，無蔥又無油，碗邊仲有店員啲手指模（睇圖）。個牛肉丼飯，汁都慳，又係無溫度嘅。芝麻雞翼又係雪藏貨，唔熱又唔香，個玉子多士原來只係兩塊麵包夾住喺donki都買到嘅凍冰冰玉子。個餐加錢先有嘢飲，加$10得到1罐200ml嘅可樂，唔凍的。要熱嘅唔熱，要凍嘅唔凍。屋企人乜都唔知，少出街食飯，我帶佢哋嚟食一餐咁嘅垃圾我都好後悔同內疚，真係委屈到差啲喊。非常呃錢的餐廳，雪藏貨處理不當扮上菜。呢個集團好似仲有其他餐廳，不過無勇氣試啦。