羅勇泰國粉麵 (已結業)

剛剛喺尖沙咀厚福街試咗一間自稱正宗泰國風味嘅粉麵店，以下係我個人食評.....一碗🐷手湯金邊粉，size超細碗，完全跟泰國嘅一樣，但價錢係十倍（$48，香港鋪租貴，可以理解）豬手無乜特別，唔好味，但入到口，至於嗰個聲稱秘製泰式湯底，恕我見識少，我多年來從未喺泰國食過貢嘅味嘅湯底，直情從未食過呢種味，感覺似係潮州鹵水汁溝廿四味(份量1:1）咸丶苦丶澀....難食到爆炸；至於兩串串燒（$30），根本係over cook，乾丶嚡丶無味兼死實實.......麥當當隔夜翻叮再翻叮嘅魚柳飽，應該都好味過呢間嘢嘅出品100倍。真係唔係親身食過，都唔知地球上有咁難食嘅嘢。