八坂 (已結業)

叫了deliveryroo外賣蒲燒鰻魚蛋包蓋飯定食$123滑蛋吉列豬扒飯$98加餃子、天婦羅$39蒲燒鰻魚：未食落口已聞到一浸腥味撲鼻如來，放入口咀嚼，沒有一般蒲燒鰻魚的鬆化，反而是一種不能解釋的腥韌，竟然和我自己在家蒸熱急凍鰻魚蒸唔夠時間的感覺如出一轍，不同的是他們家是用廉價的cheap cheap鰻魚。滑蛋豬：好明顯冇用錘仔揼鬆啲豬肉，食落口「柴」到好似用滾水淥熟一樣。又話吉列豬扒，外層炸衣淋晒。建議廚師去當當亭俾少少錢了解一下乜嘢叫做滑蛋豬。餃子：餃子用炸嘅，即係表示廚師懶得睇火煎，瞇埋眼擺入油鑊炸夠鐘就撈起，咬開一睇就知係嗰啲大量入貨嘅急凍韓式餃子，餃子皮又厚又韌到咬唔開，吐返出嚟。結論：好少何外賣可以買到咁難食嘅，機會率同抽倒PS 5一樣咁細。