糖印.甜品 (已結業)

本來係 food panda 見到呢間店啲相同擺盤幾靚，就叫咗兩碗試下。送到嚟見細細碗都覺得無咩所謂，畢竟30幾蚊碗唔貴。點知一食落去，個雜果芋圓仙草完全無味，似係無落糖水同椰汁，都算。食第二碗芒果西米露，頂佢個肺，啲西米露又傑撻撻又澀，完全食唔到落口。懷疑自己今個星期係咪做錯咩壞事先今晚中個大伏，食碗糖水想開開心心，換嚟嘅係極度失望。希望店家睇到 comment ，請好好反省一下食物質素點解會咁差，好好用心改善，收得顧客錢就要尊重食物，尊重自己嘅招牌，咁差唔會有回頭客。其他人想試就要有 「我不入地獄誰入地獄嘅心態」，祝安好 God bless you 🙏