影片
更多
2023-07-23
224 瀏覽
大圍岩岩開完新商場圍方,行完之後就係大圍諗住搵下野食咁,見到呢間專食牛肉飯,價錢又平平地,就入左去試。等位係等左都幾耐，由等到有得食，我諗都最少等左30分鐘。但係呢個先係惡夢既開始。其實鋪頭唔係好大，但入面都叫做有幾個樓面咁樣，同埋都有人想排隊入去食飯，但係唔知係咪佢地真係太忙，定係人手分配有問題，係完全無人理過出面排隊既人，所以好多人排排下都走左，我見我都排左一段時間，咁又好似有幾枱人就黎食完要走咁，所以最後都有等到。咁好啦，終於等到有位坐低，即刻就落單啦，但係張枱唔去搵員工，係完全無一個員工會主動諗住黎執枱，啲客入黎同走都好似自出自入咁，無樓面會問佢地係咪入黎堂食定外賣。咁執完枱之後，亦都要係再去近廚房果邊搵樓面員工，同佢講我想落單，佢先會走返去個收銀到。呢間餐廳係好似快餐店咁，要係收銀到落左單，然後佢會好似Food Court咁比部機仔你，部機仔響，你就可以去拎野食咁。咁等左大約十幾廿分鐘，咁啲野食終於黎，我同女朋友分別叫左個蒜泥牛肉飯同密甘牛肉飯（普通牛肉飯），再加杯凍既檸檬烏龍茶。佢杯檸檬烏龍茶黎到，係透明色的，飲落去就好似佢個外表咁，同杯檸檬水係無乜分別。我同佢地樓面／水吧
等位係等左都幾耐，由等到有得食，我諗都最少等左30分鐘。但係呢個先係惡夢既開始。
其實鋪頭唔係好大，但入面都叫做有幾個樓面咁樣，同埋都有人想排隊入去食飯，但係唔知係咪佢地真係太忙，定係人手分配有問題，
係完全無人理過出面排隊既人，所以好多人排排下都走左，我見我都排左一段時間，咁又好似有幾枱人就黎食完要走咁，所以最後都有等到。
咁好啦，終於等到有位坐低，即刻就落單啦，但係張枱唔去搵員工，係完全無一個員工會主動諗住黎執枱，啲客入黎同走都好似自出自入咁，無樓面會問佢地係咪入黎堂食定外賣。咁執完枱之後，亦都要係再去近廚房果邊搵樓面員工，同佢講我想落單，佢先會走返去個收銀到。
呢間餐廳係好似快餐店咁，要係收銀到落左單，然後佢會好似Food Court咁比部機仔你，部機仔響，你就可以去拎野食咁。
咁等左大約十幾廿分鐘，咁啲野食終於黎，我同女朋友分別叫左個蒜泥牛肉飯同密甘牛肉飯（普通牛肉飯），再加杯凍既檸檬烏龍茶。佢杯檸檬烏龍茶黎到，係透明色的，飲落去就好似佢個外表咁，同杯檸檬水係無乜分別。我同佢地樓面／水吧同事講，唔該係咪錯左杯檸檬水，佢地堅持果杯係檸檬烏龍茶，並且再沖過一杯新既比我，結果一樣都係透明色，而且一樣都係無味道，同普通檸檬水一樣，完全飲唔到有茶既味。再講下個牛肉飯，佢係好多牛肉汁，畢起啲飯，會見到啲牛肉汁都比得好重手，但係重點係，Ｄ牛肉汁其實都冇乜味道，但會令到個飯更加濕，本身佢個飯係用珍珠米黎整，仲要煮到都偏淋身，再加咁多汁落去，就會更加淋，變左一Pat野咁，食落真係唔知食緊咩。啲牛肉都煮到好老，蒜泥既部分偏苦，感覺都唔太新鮮。總括黎講就係「難食」。
睇到呢度既你地可能會話，洗唔洗講到咁，人地賣得過40幾50蚊，質素差唔多。我自問我都唔係一個對食物真係特別有執著既人，但係今日呢一餐呢一個飯，完全係感受到廚師係無用心，亦都完全唔在意客人食用體驗，先會煮得出呢個味道，成件事就係求其煮。但其實大圍都真係有唔少好好既餐廳，食店。而佢既質素，同為牛肉飯，但係佢差過吉野家同Sukiya，講真都無咩原因或者理由要食呢一間。我只係偶然咁食到呢間餐廳，絕對唔會再有下一次。如果呢間餐廳既老闆真係無心去做，不如執左去。
題外話/補充資料：
無咩補充資料，真係好難食。
(以上食評乃用戶個人意見 , 並不代表OpenRice之觀點。)
張貼