豬仔糖水 (已結業)

（第一篇食評竟然係如此重的指控真係罪過。。。）今日與友人於鄰近既牛棚藝術村睇展，睇完正好肚餓，當然就於附近搵食一輪;食完，緊係要黎番碗糖水啦:3 經過呢間糖水店，記憶中附近除了已結業的海記，都無其他選擇，亦無考慮太多就入左去坐低了。小小的甜品店唔算擠迫，服務還好，見價錢牌的價格亦比不少甜品鋪平，心諗呢區d野係平d既。然後我地就經歷左人生中一段空白。佐治糰子($28)呢碗佐治糰子首先賣相已經唔太好，食落。。豆花太過化又無豆味，半溶既綠茶雪糕令個口感濃稠得有點奇怪。入面的小丸子雖然仲算煙韌，但與沉底的紅豆一樣甜得叫人悲傷。涼粉是唯一正常的東西。但總叫吃得下去。真正的絕望係下面呢個。花釀愛玉凍($19)賣相還可以接受既呢碗花釀愛玉凍，一塊塊的膠根本唔可以叫做愛玉，而係膠。味道還好，但基於個質感，我只係試食左一啖，連吞都吞唔落肚，要嘔番出黎。俾呢兩味野咁大的衝擊，我地既人生好似突然空白左一片，要即刻逃離現場買野飲，先搵番個魂番黎。