一粥麵 (安基商場)

營業中

休息中

好耐都冇食過煲仔飯。見呢幾日天氣勁涷，諗住食個煲仔飯暖吓身。記得幾年前在呢間快餐店食過一次幾好食，今日午餐就再去食佢嘅煲仔飯。叫咗個鳳爪排骨煲仔飯，問佢可以多飯嗎？佢話唔可以。記得幾年前去呢度食嘅時候，佢都有俾多兜飯仔。現在“菇寒”咗。冇計，照食，唔夠飽再食其他嘢填肚。講真，個煲仔飯真係好少飯，食完一定唔夠飽。飯焦係有，但好燶，又黑又硬，食唔到。最離譜係d排骨，超“鞋”，吞唔到，吐返晒出嚟。鳳爪又甜，冇食到。整個煲仔飯都只係微暖，唔太熱。同幾年前喺到食過嘅煲仔飯味道差太遠。真係冇下次，今次認真仲伏。咁嘅質素仲要賣成五十幾蚊一煲，真係唔值。