十八味私房牛肉麵

營業中

休息中

我行過見招牌大大隻字寫住$48特價套餐（只限外賣），心諗好抵咁喎，行近細睇，有幾款可以揀，仲可以揀台灣麵、薯粉咁，台式野飲加$8，咁我就揀左個紅燒牛肚台灣麵，叫左杯台式珍珠奶茶。俾完錢，發現係$49+$8， 我問店員點解係$49，唔係$48，哦，原來外賣+$1。之後好快攞左個外賣返屋企，打開一睇，咦！點解個麵咁嘅🤔乜紅燒牛肚係咁架咩？啲色水同清湯冇咩分別喎，咁試吓啲味先，呀….金錢肚唔「淋」，好硬，滷蛋唔似滷蛋冇色水，味道唔入味，啲麵同湯好一般，賣相古怪。杯台式珍珠奶茶，珍珠係可以，咬落煙靭，但奶茶唔係台式，係港式！唔會再幫襯！