牛極 (大河道) (已結業)

平時喺油麻地返工中午都有食開嘅牛極，知道質素是唔錯，而且價錢又抵，加上沙律、湯、飯是任食的，啱晒大食嘅我，今次過開荃灣呢邊，見到有牛極真係太好，唔使諗食咩，見到鋪頭冇咩人即刻入去食呢間同油麻地一樣，先點餐買飛再由職員安排入座，把飛交給職員，過一陣職員就會把它送到你面前，等我期間我就出去拎湯同沙律，發現成盤沙律沒有蓋剩係得張揭開嘅保鮮紙直接放在外面，雖然拎嘢食要戴口罩，但係都感覺唔太衛生，人來人往始終都有細菌，最後我都放棄咗食沙律，牛柳出餐的時候大約只有兩成熟，自己可以用石頭嘅餘溫按照自己喜歡嘅生熟程度加熱，原本諗住嫩滑嘅牛柳但係d肉勁韌，一啲肉味都無，完全顛覆我對牛極既印象，我終於明白間鋪少人既原因係咩