海港酒家 (已結業)

我好少寫食評，今次一定要寫，真係好激氣，賣相差所以相都懶影。第一次去翩匯坊海港家庭聚會，龍蝦係又霉又淋，一食就知唔新鮮，食到最後我發現兩隻唔同顏色、紋路嘅觸鬚。聖子好膠，好難食。炸桶蠔炸到睇唔出係咩。燒鵝皮又係淋嘅乳豬冇味嘅淨得雜菜煲和蒸魚還可以由食材到廚房出品都好差。全場坐滿，樓面唔夠人手。唔想掃興，影響老人家心情所以無投訴。最討厭部長每張檯都叫人幫佢買月餅票，當幫佢。我係黎食飯嘅，唔係黎幫你。