牛摩+ (沙田中心) (已結業)

太難食，加錢要個高級啲既肉同海鮮，好明顯，啲肉並無高質啲，每次俾既牛肉質素都唔同，只食過一盤似乎似樣啲，其他都係垃圾肉，跟住就係啲海鮮，加個廿蚊，都預左唔會好嫁啦，又梅又爛！兩人埋單$506，以為加左錢可以食好啲，其實同最平個set無分別，建議大家如果有其他選擇都唔好揀佢，叫啲服務員拎肉同海鮮慢到喊！如果真係無可奈何要食呢間就唔好加錢，浪費金錢！shabushabu咁難食都真係有啲難，但呢間做到了！