樂湯雞麵館 (登龍街) (已結業)

其實一入到餐廳聞到有浸臭味，已經覺得奶奶地嘢。但以為係間餐廳清潔做得唔好，啲食物應該正常掛。叫咗碗口水雞米線同藥膳雞米線藥膳雞米線：一嚟到發現原來係碗湯傳出異味，浸味好似有狗仔喺側邊屙尿但冇抹咁。碗湯飲落正常，但真係好臭好似嘔吐物。而雞就好鞋。食咗幾啖完全食唔落。口水雞米線：碗湯味道非常淡，而口水雞味道正常，但冇乜肉，雞皮亦都好厚。唯一要讚就係啲姐姐好有禮貌。成餐飯食咗$150，當買個教訓，以後都唔會食。