Mr Taco Truck (已結業)

聽到好多人在 twitter 內講 Mr. Taco Truck 今日要開會，兩點幾到此試吓。講真個鋪裝修得好得意又有 Pinata。但一見到個 menu 有瑞士雞 Enchilada，我立即將 expectation 調低。我雖冇乜方向感，但我知道香港特色口味同墨西哥菜係隔九十條街！Mr Taco Truck 冇位坐，雖然我著住高猙鞋，但我諗，試吓嘅心態叫咗佢地嘅推介 - Chicken Enchilada with Salsa Roja.企足十分鐘等嘢食（唔係繁忙時間），我見佢哋將我嘅午餐放入微波爐叮，心已覺得不妙。上菜，紙碟膠叉刀我覺得都幾正宗，在加州食 taco trucks 時都係咁 （不過平得多）。我望住碟嘢十秒... 乜嚟㗎??? 通常墨西哥菜嘅 garnish 係 cilantro 同荵, 唔係一 pat 生菜加生洋荵!!! 我以為自己叫錯咗嘢，我嘅 Enchilada 上係無任何芝士，所謂嘅 Salsa roja 係紅色冇味嘅油.我呆完後，決定試吓。Tortilla 乾（神奇嘅係咁多油都係乾！）肉係無味加乾。爪開晒 pat 菜後見到兩粒手指甲咁大嘅芝士。每件 E