稻(日本料理) (已結業)

第一次寫食評,原因因為難食,食飯從來唔喜歡影相,所以相片欠奉,但恐怕影出來壽司上面D魚生大家見到仲驚！本身不是什麼識食之人,但今次依餐真係十分難忘！今晚五個人點左一個鐵板同天婦羅套餐,再散叫左一個吉列豬扒蛋飯,鰻魚飯,一個壽司拼盤,一客煎餃子加一個黑豚鐵板燒.壽司D魚全部灰色,肉質靱. 鐵板黑豚肉又老又靱,豬扒蛋飯D豬扒都係靱同老！鐵板和牛本人無試,但其他人話好咸,天婦羅一般無驚喜,鰻魚飯無試所以不取亂評！其實我唔知係咪無咩客,D魚生唔新鮮已經好恐怖！仲要話係名牌餐廳,價錢名牌但水準低劣！埋單$3700,但個人認為最多值$1500水平！如果保持住同一水準繼續落去,劣評只會不絶！一句總結： 無下次！最後一提全餐最正常既就係布甸,但食完餐飯超口渴！