翡翠拉麵小籠包 (已結業)

咁既餐廳都要加一，比杯茶仲要收茶位，明明就係茶餐廳質素。叫左個五香牛肉拉麵（$68），hea 過隔離街食雲吞麵。口水雞撈拉麵（$78）搵油撈，無味又多油。麵仲係凍既。小籠包（$39）汁唔算多，正正常常。試多個獅子頭（唔記得價錢），都幾大舊，不過食落感覺唔太新鮮。服務黎講，基本上無服務。餐廳晚市唔太繁忙，但我地係門口等帶位等左有5分鐘都未有人黎招呼我地。最後有位侍應好遠咁叫我地求其搵個位坐。哦，原來好似茶餐廳咁就得。咁既服務仲收加一？