泓景悅宴

營業中

休息中

諗住就腳就求其搵一間酒樓食飯，估唔到咁伏架…我地叫左個蒜蓉炒白菜仔，冇味又細份，盛惠$108，再來個海參野菌豆腐煲，又係無味嘅！😩重慶雞煲都唔好食，隻雞冇咩肉，又有小小燶燶哋，個廚師唔知搞咩🥴，咕嚕肉個味正常，但比出邊嘅酒樓細份，最後嚟嘅柚味骨個味道算OK，埋單$900，我哋一行四人都覺得憑咩可以收$900？！真心覺得出面連鎖大型嘅酒樓比佢好食同抵食好多！成餐唯一可取之處係環境唔算太嘈，可能唔係好多枱客。