初見

營業中

休息中

本身排緊隔離間野，但因為要等4張枱，呢間初見等左無幾分鐘就有位，於是就食佢啦。之前係OR睇過佢既食評知道佢有好多讚，諗住都唔會太差。一行四人我地嗌左鍋物，鐵板牛。個鐵板牛由落單到上枱等左差唔多25分鐘，好啦，諗住等得有價值都抵既。點知一上枱，已經見到啲牛肉粒好乾，又凍，啲蒜片係淋既，牛肉粒食落去勁難嚼，我地幾個都嚼到牙骹痛。有一位我估係老闆？定經理？望過我地幾次，見我地幾個食到苦口咁面，都無過黎了解下。返工趕時間，大家求其食完就走人，不過大家都話，下次即使隔離鋪無位都唔會想食呢間野。