上海弄堂菜肉餛飩 (歌賦街)

營業中

休息中

今晚放工同個朋友去中環食上海餐。我哋照舊一人一個套餐，只係餐廳換上新嘅餐牌。窗外落住大雨，所以先嚟一人一碗酸辣湯暖吓身分外舒服。前菜係寧式燻魚同陳年花雕醉雞。好喜歡燻魚甜甜嘅味道，同醉雞噗鼻嘅酒香。主菜係古法紅燒肉百頁結，入味嘅豬腩肉，肥瘦均勻。另一主菜係無錫排骨，酸甜口味，送飯一流。主菜味道比較濃烈，配搭相對清淡嘅菜飯同陽春麵，每樣食物都得以突出自己味道同質感。餐廳環境舒適，係放工後同朋友相聚，好好放鬆嘅好地方。