Unar Coffee Company (已搬遷) 新店位置

星期五下晝嘅時間，做廣告嘅朋友都知道，最好嘅節目梗係去跟shoot，因為可以離開吓個office，仲有機去啲特別嘅地方食個正tea，飲個靚啡。今日我哋去到大坑，完咗shooting，即去一間平時小弟只會係九龍區先飲到嘅unar coffee.是日落雨，同熱到飛起，即刻叫咗杯ice latte 下一下火。都話咗平時去開九龍果間，都知佢好味，但朋友話呢間先係最正，我就抱咗一個好期待嘅心態去飲呢杯咖啡。入口，唔係話好多層次嘅味道，好濃，冇咩酸嘅味道，只係知好豐富嘅口感真係一試難忙。但價錢佢確係唔便宜，但支持吓本地咖啡業都OK。